മുല്ലപ്പെരിയാര് അണക്കെട്ട് ഉയര്ത്തുന്ന പ്രശ്നങ്ങളുമായി ബന്ധപ്പെട്ട് കേരളത്തില് നടക്കുന്ന സമരത്തോട് ഐക്യദാര്ഢ്യം പ്രഖ്യാപിച്ചുകൊണ്ട് പള്ളിക്കുന്ന് ഗവ. ഹയര് സെക്കന്ഡറി സ്കൂളില് 2011 നവംബര് 29-ന് , സാംസ്കാരിക സംഘടനയായ ‘സാരംഗി’ന്റെ നേതൃത്വത്തില് സമൂഹസര്ഗ്ഗസൃഷ്ടി നടന്നു. നൂറ്റിയിരുപത്തിയഞ്ചോളം കുട്ടികള് 30 മീറ്റര് നീളമുള്ള കാന്വാസില് ചിത്രങ്ങള് വരയ്ക്കുകയും സന്ദേശങ്ങള് എഴുതുകയും ചെയ്തുകൊണ്ട് പ്രശ്നത്തോട് ശക്തമായി പ്രതികരിക്കുകയുണ്ടായി.
ആകാശവാണി കണ്ണൂര് നിലയം പ്രോഗ്രാം എക്സിക്യൂട്ടീവ് ശ്രീ വി.ചന്ദ്രബാബു പരിപാടി ഉദ്ഘാടനം ചെയ്തു. പ്രിന്സിപ്പല് ശ്രീമതി പി.ഗീത, ഹെഡ് മാസ്റ്റര് ശ്രീ കെ.വി.സുരേന്ദ്രന്, പി.റ്റി.എ. പ്രസിഡണ്ട് ശ്രീ പി.വി.രത്നാകരന്, ശ്രീ ടി.പ്രഭാകരന് എന്നിവര് ആശംസ നേര്ന്നുകൊണ്ട് സംസാരിച്ചു. എന്. അമൃത, ജി.വി. അരുണിമ, എം.മേഘ, നിത്യ എന്നിവര് കവിതകള് ചൊല്ലി. സി.പി.മീര ടീച്ചര്, വി.സി.മിറാഷ് എന്നിവര് സ്വന്തം കവിതകള് അവതരിപ്പിച്ചു. ഡോ. പി.വസന്തകുമാരി സ്വാഗതവും വി.സി.മിറാഷ് നന്ദിയും പറഞ്ഞു.
ദൃശ്യങ്ങള് കാണാന് ഇവിടെ ക്ലിക് ചെയ്യുക